جنسنى يا معلم

واحد معاه جنسية امريكية أو كندية أو حتى مهلبية

يصبح مجنس بجنسية اخرى ... مزدوج الجنسية

يعنى تلاقى مصرى امريكى

المصرى اللى طلع امريكا واتغرب ومش كان لاقى اللضا اتصرف وطلع امريكا علشان ياكل عيش بالغموس

فمصر دولة العيش الناشف الحاف والحمد لله من قبل وبعد

همام فى امستردام كبر واتنطق وحاول ياخد جنسية مش علشان يشتغل جاسوس لكن علشان يعيش فى امان بدل مطاردات البوليس وخطر الترحيل والعودة للحياة فى دولة العيش الناشف

هو عيب ان كل مغترب يحاول الحصول على جنسية الدولة اللى اتغرب ليها

هل سمع القارئ عن الحماية الدبلوماسية للمواطنين

يعنى الدولة المصرية زى ما بتوفر الامن ليك يا مواطن فى مصر هى ايضا بتحميك ديلوماسيا لما تسافر للدول التانية تحميك من التعسف والظلم طالما انت ماشى هناك قانونى وصح الصح

شوف كده واحد مصرى معاه باسبور اوربى او امريكى ويقع فى مشكلة فى مصر بمجرد خروج الباسبور كل المشاكل بتتحل لانه وراه سفارة امريكية كاملة تقف فى ضهره لو حصل معاه حاجة نص كم من الشرطة او النيابة

الدول الغربية قادرة على حماية مواطنيها دبلوماسيا لكن انت ممكن تتهان ولو معاك 1000 باسبور مصرى لانه محدش بيحميك فأنت فى الاصل تنتمى لدولة طاردة للسكان ووجودك وحياتك أصلاً ليست ذات اهمية من أساسه

الراجل اللى راح اخد جنسية كان عايز يعيش فى امان وليس هدفه انه يتحول لجاسوس

اين تجد مزدوجى الجنسية تجدهم عندما يعودون لأوطانهم

اليست الدعوات دائما للمغتربين أن عودوا لأوطانكم ليستفيد الوطن مما حصلتموه من أموال أو معارف وعلوم وتجارب حزتموها بجهدكم وكدكم هذا هو الطبيعى والواقع والمثالى المفترض 

فانا لما برجع وكان ربنا عطانى منا برجع أفيد وطنى الأم وهنا يحصل وجع الدماغ لما يكون داعى سياسى أو مشاكل من اى نوع 

الداعى السياسى هنا مثلا انتخابات برلمانية أو احتل وظيفة عامة وزير او محافظ أو غيره 

هو انا فيا عيب يا جماعة لما احمل جنسية دولة تانية منا رجعت اهو وبقول انا مصرى لانكم عارفين ان انتمائى لمصر لكن انا مقدرش اتنازل عن جنسية الدولة التانية لانها أكل عيشى وضمانة لحياتى لو غدر بى زمانكم وزمانكم دائما غادر 

والدولة ارتضت ان اظل محتفظا بكل جنسياتى يعنى الدولة موافقة والدنيا تمام 

ليس يعيبنى ان اكون محافظ او وزير او عضو برلمان فأنتم لم تسنوا قانونا يمنع مزدوجى الجنسية من تولى الوظائف العامة فلا تحدثونى عن ازدواجية ومعايير اخلاقية وكأننى سأعمل لصالح امريكا والكومنولث البريطانى عبر وظيفتى العامة فى مصر وسأهدر مقدرات مصر المحدودة لرفاهية الشعب الامريكى 

مزدوجى الجنسية يا سادة ناس كدحت وبدأت حياتها من الصفر علشان ينجحوا والدولة ارتأت انهم لسه مصريين وزى الفُل يبقى ايه لزوم التشنيع واتهامهم فى مصريتهم وطنيتهم حماها الله 

فيه مثالين متناقضين عن مزدوجى الجنسية 

المثال الأول الاستاذ الدكتور احمد زويل المصرى الاصل اللى طلع امريكا واخد جائزة نوبل فى الكيمياء عام 1999 الدنيا قامت فى مصر 

وهل كان زويل مصريا حينها ام كان امريكيا فى حين ان نجيب محفوظ كان مصريا حينما حصل على نوبل فى الادب 

طبعا اصبح فى الحياة المصرية العامة شخص اسمه زويل ... جامعة زويل وبطيخة زويل وحزب زويل بل كلام عن توليه لرئاسة الدولة وده كلام اعلام عبيط وناس اعبط من اعلامهم 

المثال التانى حازم صلاح ابو اسماعيل وحكاية انه مدلس وان الست والدته عندها جنسية امريكية (اخته عندها جنسية أمريكية) الملاحظ ان الرئيس المعزول محمد مرسى كان عايش فى امريكا وابنه عنده جنسية امريكية وللعلم ايضا جيهان السادات وسوزان مبارك وجمال وعلاء مبارك لديهم جنسية بريطانية 

هذا يعنى انه حتى زوجات او ابناء حكام مصر كانوا مزدوجى الجنسية علشان تعرفوا انها من الاساس بلد بايظة ومفيهاش قانون ولا وطنية مادتم تعتبرون أن الاذدواجية أمر منفر وغير مقبول ويتعين تهشيم وجهه وفتق باطنه .. لكن الجميع يرتضى ولا غضاضة ان تكون مزدوج الشخصية أو مزدوج الجنسية 

المشكلة هنا التى اعنيها من المثال الثانى حازم ابو اسماعيل وهى النفاق الحياتى والفكرى 

فالسلفيين خاصة يعلنون امريكا بلاد الكفر والشيطان الأكبر والأعظم لكن مفيش مانع انه يكون عندى تصريح مفتوح بدخول مغارات الشياطين والحياة فيها والاستفادة من مقدراتها وهذا ينطبق على كل اخوانى وكل سلفى وكل من ادعى فى نفسه الايمان وقام بتكفير الغانية الكبرى (امريكا) ثم سعى أو كان قد سعى لنيل الجرين كارد وليحصد لقب مستر ويكون منتميا واخ لشعوب دولة الشيطان

ارحمونا اجهدتم عقولنا عفا الله عنكم وعنا  

صرخة سمكة

قامت الدنيا ومقعدتش نتيجة لغرق مدينة الاسكندرية مزبلة البحر الابيض المتوسط 
قامت لان المدينة اتشلت فيها كل طرق المواصلات ولم تقوم لموت ستة من المواطنين اغلبهم ماتوا صعقا بالكهرباء نتيجة التحام الماء بالكهرباء والذى تحمل المسئولية هو المحافظ هانى المسيرى المؤدب ابن الناس الذى ثار الجدل حوله منذ تعيينه محافظا للاسكندرية منذ 8 شهور 

الناس فى مصر فاضية يقولك تاتو وبيركب عجل وعامل ترماى كافيه ام خمسة جنيه اللى انا لا شفتها ولا ركبتها 
وطبعا مشكلته الاساسية كانت الجنسية الامريكية واخت المحافظ اللى هى سكرتيرة السفير الامريكى 
هى الجنسية عيب المحافظ ولا عيب اللى اختار واحد متجنس 
مشكلة المجتمع السكندرى انه من الشعب المصرى يفكر مثلما يفكر بقية الشعب المصرى وطريقته طريقة كل المصريين انهم مهندسين يقولوا دايما المفروض يتعمل كذا وكذا لكن لو واحد منهم فى موقع مسئولية مبيعملش اى مفروض ولا مفترض 
مثاليتنا فى اقوالنا فقط لا هى فى اخلاقنا ولا فى افعالنا 
ومن مثاليتنا الكاذبة ضرب المثل بالمثل كان عندنا عبد السلام المحجوب محافظ الاسكندرية اللى عمل من اسكندرية صورة تانية خالص والناس مش قادرة تنسى الحالة الاعظم وهى عبد السلام المحجوب ومطلوب من كل أحد انه يكون عبد السلام المحجوب 
لكن مش كل واحد يقدر يكون عبد السلام المحجوب ... اوعى تنسى ان عبد السلام المحجوب كان رجل عسكرى فى الاساس !!!!!

وان عبد السلام المحجوب كان له من الرؤية والاهداف والوسائل ما قد لا يتوفر لغيره سبقوه او تلوه كمحافظين للاسكندرية 
انا عن نفسى لا انكر عدم تأكدى من وجود اى انجاز بالمحافظة مع هانى المسيرى 
القمامة يتم جمعها من الشوارع الرئيسية فى مواعيد منتظمة وعمال النظافة يكنسون فعلا الشوارع الرئيسية والفرعية يوميا 
لكن تظل كمية القمامة اكبر من المحتمل واكبر من الامكانيات لعدم وجود مشروع نظافة ونظام نهائى لجمع القمامة فى المدينة 
ان ازهى عصور النظافة كانت مع المحجوب ومع شركة اونكس التى انهت مشكلة القمامة فى المدينة حتى انتهت اونكس وعادت المحافظة بإمكانياتها الوظيفية والبيروقراطية والمالية ايضا وكلها امكانيات ضعيفة جدا ومتدنية جدا لا تقوى على حل أى مشكلة 
عدم وجود شركة مثل شركة اونكس اخرى يعنى استمرار المزبلة المسماة الاسكندرية 
ان البنية التحتية الصرف والمياه والاتصالات وتمهيد الطرق والارصفة والكهرباء ليست مسئولية المحافظة هى مسئولية الوزارات منفرده كل فى تخصصه فاذا انهارت شبكة الطرق او الصرف الصحى او المياه فالمسئولية ليست مسئولية محافظ 
انها مسئولية مجموعة من الموظفين البيروقراطيين الذين يؤدون عملهم وامور وظيفتهم على نحو وظيفى ليس له علاقة بتحيا مصر أو يسقط يسقط حكم العسكر انه عمل شعاره الوحيد كل شئ تمام ولا تعرف معنى التمام وانه اكذوبة الا عند حلول الكوارث 
ويقبع فى قمة الهرم الوظيفى السيد الوزير اللى دوره الدائم فى مصر تنفيذ توجيهات السيد الرئيس لتقع السلطة النهائية فى يد السيد الفنان حامى الحمى رئيس السلطة التنفيذية وهو ليس رئيس الوزراء بل هو تحديدا رئيس الدولة بصفته الأصيلة كرئيس للسلطة التنفيذية اللى هى الحكومة اللى هى محجموعة وزارات ومؤسسات اللى هي حاكمة البلد وبتسير أمورها اليومية والعامة .. اللى هى سبب كل الكوارث والحياة المزبلة التى نحيا فيها 
كل مواطن مصرى يصف الشعب المصرى بانه شعب وسخ وحكومة وسخه فلولا وساخة الشعب ما خرج منها اوساخ بهذه الصورة ليحكموها لكن الحقيقة اعمق من ذلك فاذا كان الشعب وسخ فالحكومة ملاعين وليسوا مجرد اوساخ  ولا يصح فى وجود تلك الحكومات الملاعين وجود شخص نظيف طاهر شريف عفيف لانه سيقع تحت حكم ملاعين اوساخ وان لم تصيبه عدواهم فانه سيفشل ولو بعد حين 
تعالوا نضرب مثل صغير على الوساخة والملعنة والمثل عن عبد السلام المحجوب اللى بدأ بالسلام وانتهى بالحجب 
بعد خروجه عن وظيفته كمحافظ للاسكندرية تولى منصب وزير التنمية المحلية ولم نشهد اى تطوير فى جانب الادارة المحلية 
واوعوا تنسوا ان عبد السلام المحجوب ترشح لعضوية مجلس الشعب 2010 عن دائرة الرمل بالاسكندرية عن الحزب الوطنى الديمقراطى وهو نفسه المجلس المزور احد اسباب المرحومة ثورة يناير 2011 فالرجل فلول ومزور وباحث عن سلطة ونفوذ وهو كان ذو خلفية عسكرية شريف عفيف نظيف الايدى والجيوب 
احد الدفاعات التى ظهرت حديثا عن هانى المسيرى محافظ الاسكندرية المستقيل هو كون احياء الاسكندرية يتولاها ستة من لواءات الجيش وان المحافظ ميقدرش عليهم بالاضافة اتلى حقيقة فعلية وهى عدم سلطة المحافظ على البنية التحتية للمحافظة وهى التابعة للوزارات المعنية .. وظهر فيديو مفاجئ من درج المكتب يعلن براءة المحافظ وانه سبق ونبه وطلب والناس اتكلمت وان الدنيا كلها عند هيئة الصرف الصحى 

لكن تظل المسئولية على سيادة المحافظ وهى المحاسبة فعندما غرقت اسكندرية من شهور فى نوة عارضة لم يكن هناك مقصرين ولا تقصير ولا مسئولية من أساسه .. واخيرا حين مات ستة نفر صعقا بالكهرباء مسئولية من المحافظ المُقال أو المستقيل ام رئيس القابضة للمياه وللصرف الصحى المُقال أو المستقيل  المسئولية مسئولية مين ؟؟؟؟ 
ويبدو ان الظروف مواتية جدا وموائمة لتعيين محافظ بخلفية عسكرية ليزيد انتشار قبيلة العسكر فى كل شئون الدولة وهو نفس ما فعله الاخوان فى عهدهم 
فى النهاية البلد كلها غرقانة والذى يجب ان تتم إقالته هو كل موظف بيروقراطى حتى لو منتخب كعضو برلمان قادم لمزيد من الغرق أو رئيس دولة لا يستطيع فهم ان هناك مشاكل غير الكهرباء وكنال سويس 2 
ونبقى فى النهاية نحن لنتحول بدلا من نمل الى سمك يعيش ويتنفس تحت الماء 
شعب يغرق يغرق يغرق

المرأة والحصان

غنى فهد بلان وركبنا على الحصان نتفسح سوا 
ادى شكل الفسحة 

المصريون ليسوا بشر

مقال للكاتب وائل قنديل يستحق القراءة 

سلطة تحتقر شعبها

لهم، من دون استثناء، ينظرون إلى الشعب المصري، كمجموعة من عبيد إحساناتهم، بل أدنى من ذلك. أنت مواطن صالح، ما دمت ترقص على إيقاعات ركاكتهم، وتغني ساقط كلامهم، وتمنحهم صوتك، وأنت مغمض العينين، تصدع لما يأمرونك به، وتهتف باسمهم طوال الوقت، وتبتلع ملوثاتهم راضيا سعيداً، وتقول: هل من مزيد. لم يكن أحد يتخيّل أن تصل بهم الشراسة في ازدراء المصريين إلى حد إسقاط صفة الآدمية عنهم، وتجريدهم من الجنسية والوطنية، واعتبارهم كائنات غريبة، لا يحق لها البقاء على قيد المصرية. 

اكمل القراءة
سلطة تحتقر شعبها

بالصمغ ولا السيلكون

امسك يا واد الثمثال ليقع على الارض 
منا ماسك أهو 
عايزين نخلص بدرى قبل النهار ما يشقشق 
هو احنا حنعمل ايه بالظبط 
حننحت شويه من جسم اللى عملوا أمه ده دهب ياد  دهب خالص عيار 840 
طب ما نقطع حته على بعضها 
حتبان وتنكشف العملية احنا ننحت كام حته من ضهره ومؤخرته ومش حتبان وهو كده كده نايم 
لبعدين يكون جواه موميا ويطلعلنا 
مومية ايه ويصحى ايه دىة نومه أبدية يا ابن الكئيبة 
أُب إلحق طـــــــــــــــــــــــــــاخ 
كده ام التمثال يا ابن العبيطة ده اتكسر ليلتنا سوده لم العده بسرعة وتعالى نرجعه مكانه وشك نحس 
أيوة تمام رجع لكن ححنعمل ايه فى الدقنوشة اللى اتكسرت دى 
ناخدها ولا حنطلع من المولد بلا حمص 
لا حتطلع على نقالة بإذن الله 
اجرى بسرعة اطلع اول الشارع اشترى لنا مسدس سيلكون نلزقه ونخلص 
تمام يا ريس ملقتش فى الحتة مسدسات سيلكون جبت صمغ 
صمغ!!!!!  طب انجز يلا كُب الصمغ وانا حلزق ... يا قوى 

هذا ما تم فى جُنح الظلام أما فى النهار فقد كان الخبر التالى فى جريدة المصرى اليوم 

اهتمت صحيفة "الجارديان" البريطانية بجهود ترميم قناع الملك توت عنخ آمون بالقاهرة، بعدما تعرض ذقنه للكسر، ثم اللصق باستخدام مادة صمغية تسمى "إيبوكسى"، وقالت إن فريق الخبراء الذى يضم مصريين وألمانيين يعملون الآن على وضع خطة لإزالة هذه المادة وإعادة لصق الذقن بطريقة تحددها لجنة علمية مشتركة.

كرباج ورا يا اسطى

النقل العام فى مصر 
مشاكله كبيرة صحيح لكن بيحل مشاكل أكتر وهى مشكلة المواصلات 
الهيئة العامة لنقل الركاب بتعمل اللى عليها واللى عليها هو تسيير خطوط الاتوبيسات بصورة منتظمة رغم ازدحام الطرقات وخلافه 
المشكلة عندنا احنا المواطنين الفهلوة اللى جايبة معانا لآخرها 
ويا ريتها فهلوة للأفضل والاحسن لكنها افتكاسات حاجات غريبة وعجيبة ترجع لورا متجبش للأمام وتنزل تحت متطلعش فوق 
لكن المرة دى حاجة طالعة لفوق 

ده راجل طيب خالص بيتفهلو جايب موتوسيكله وطالع بيه الاتوبيس 

والحمد لله الموتوسيكل استقر وركب الاتوبيس زى ما سبق وركب خروف ومعرزة وكام حزمة برسيم 
ياترى أد أيه وقت انقضى الاتوبيس واقف مستنى تحميل الموتوسيكل 
وحيقف أد ايه علشان ينزل الموتوسيكل والوقت ضاع 
ويا ترى دفع تذكرة على الموتوسيكل ولا مدفعش 
ويا ترى حدثت خناقة كبيرة مع الكمسارى والسواق ولا لأ لو كانت حصلت الخناقة مكنش الموتوسيكل طلع من الأساس 
الظاهر مفيش رقابة على الاتوبيسات واللى بيتم فيها ومفيش نظام ومفيش اهتمام من كل مواطن الا بنفسه وبس وطز فى السادة الركاب اللى حيتزنقوا فى الطلعة والنزلة وخطوة أدام يا استاذ وسع سكة للورى اللى طالع
وكرباج ورا يا اسطى واركب الحنطور واتحنطر

يا صبر يا متصبر

الست انتصار اللى هى ممثلة والكل عرفها بشكل اكبر من خلال مسلسل راجل وست ستات عبر مواسمه الطويلة حوالى 12 متر
الست انتصار احد النسوة الستة جمعت معاها 2 ستات تانين وقعدوا ينفسنوا فى برنامج نفسنة على قناة القاهرة واليوم 
ويبدو جليا ان احدى الفقرات الرئيسية فى الحلقة كانت عن السكس .. السكس وليس الجنس لأن الجنس لفظة مؤدبة
ولان الحياء اتسرق منه البرقع فاصبح مكشوفا تذروه الرياح حتى اتت عليه كله ولم يبقى منه بقية فلم يعد هناك اثراً للحياء لا عيانا ولا حتى مداريا مما دفع مجموعة النسوة الثلاثة وعلى رأسهم العالمة انتصار (عالمة بالمعنى الشعبى) انها تجيب اللى فى عبها 
وواضح ان عبها يمتلأ بقاذورات لا حصر لها ورغبات لا متناهية ومشاهدات غير منقطعة للسيكو سيكو وكل ما هو له علاقة بما اصطلح عليه بالافلام الثقافية وعند المثقفين الحقيقين افلام البورن وعند الشمحطجية والشماحيط افلام السكس 
الشماحيط جمع شمحوطة وهى الفتاة الطويلة الشقراء عند اهل الخليج 
الشباب المصرى مسكين تأخر سن الزواج مفيش فلوس لانه اصلا مفيش شغل عالة على الاسرة انسى يا عمرو 
ولظروف الشباب اصبحن البنات اردأ حالا من الشباب ومعاناة نفسية رهيبة 
فأضحى الطرفين ممحونا مشحونا برغبات يحلم بها ولا يستطيع دائما ان يطولها .. بين الحين والاخر المماحين بيقابلوا بعض ويطولوا لكن مش على طول ودى كارثة نفسية ومجتمعية خطيرة فى مجتمع ولود زى المجتمع المصرى 
فالشباب بيتصبر مش مع الصبايا المتصبصبين لا ده بيتصبر بافلام البورنو بدلا من النصيحة النبوية بالصيام 
ولانه مفيش على الحقيقة دين سليم فى مصر ومع الوصف الكاذب للمجتمع المصرى بانه مجتمع مؤمن فأضحت الخلاعة والفجور هى معيار الحكم على كل مجتمع وفى مصر من زمن المينى جيب الى زمن فيفى عبده الى زمن المهرجانات فهو يؤكد انحطاط متسارع نحو هاوية الاخلاق والضمير المصرى 
والست انتصار مسمار جديد فى نعش الاخلاق - سبق وقلنا الحياء اتمنع لانه اختفى - 
الست انتصار نسيت ان عندها ولاد ونسيت ان ابنها ممكن يشاور عليها ويغنى ... الست دى امى سيكسية طول عمرها مشفتش غير بورنو والنار فى فرجها 
الست انتصار نسيت انها كبرت فى السن ومش بنت صغيرة بتهرأ .. يا لهوى لو فيه بنت ممكن تقول اللى يتقوله انتصار 
فيه بنت اسمها اول مرة اسمعه ميا خليفة .. اول مرة اسمعه من انتصار 
هو انا حعمل نفسى الشريف العفيف وافضل اهرى فى انتصار وميا خليفة 

مع افتراض ان كل الناس بتعمل فالناس بتعمل فى الخفاء وليس فى هذا العلن البواح الفواح بأبشع الأمور وأحطها
الجنس ليس عيبا فى حد ذاته فهو عطية إلهية للمخلوقات لحفظ النسل والحياة وهو بالطبع نابع عن رغبة ولا نقول ان الرغبة الجنسية هى رغبة شيطانية بل هى رغبة طبيعية ونابعة من فطرة كل المخلوقات 
الجنس يحوى عُريا واظهارا للعورات لذا يعد عورة فى ظاهره وليس فى باطنه فباطنه رغبة وظاهره عُرى 
وليه نصبح محللين ومحادثين وكاشفين لعورات من الأصح اننا نخفيها ونحفظ لها عفتها 
عفة خجل يا قلبى لا تحزن كله راح كله اتغير

طبعا الست انتصار خلتنى ابحث عن الست ميا خليفة اللى يفترض من كلامهم عنها بتلك الصورة الجميلة انها بابور يعنى حاجة قشطة وجامدة جدى 

البت متسواش نكلة فى سوق البورن تماما زى مقارنة بابور الجاز بالبوتاجاز

وبالمفتشر كده ادى ميا خليفة اللى بيشنعوا عليها  

بالذمة دى برضه نجمة بورن شوف يا خويا الايمان والنور اللى طالع عليها وبيبظ من وشها 

(( ميا لم تكتف بتاريخها في تمثيل الافلام الاباحية وانما تخطت كل الخطوط الحمر بعد مراجعة بعض افلامها التي ظهرت فيها و هي تمارس الجنس مرتدية الحجاب.
هذه الخطوة اظهرت مدى تحديها للجميع خصوصا كل المسلمين بهذا التصرف الحقير.ميا التي تتعجب من مهاجمتها لانها، و حسب ما تقول، حرة و في بلد حر لم تدري ان ما فعلته هو تحقير للديانة الاسلامية و انها تتطاول على اكثر من مليار ومئتي مليون مسلم في العالم.))

تعلموا مع ميا خليفة فنون الجنس وحسنوا أداؤكم الجنسى 

بسأل المهندس اسلام مين ميا خليفة ضحك بشدة ورجع قال porn star 

يا حلاوتك يا جمالك خليتى للفاجرين ايه

كان مالى بس ومالك تشغلينا بفيلمك ليه

عامة الكل لازم يتصبر علشان الوطن يرتاح 

ومع فيلم الكيف ويا صبر يا متصبر

يا صبر صبصب قلوب الصبايا المتصابين  وصوب صبابك على الصبايا المصبصبين
يا صابر الصبر صبرنا بصبر المتصبرين 

واخيرا نشكر الست انتصار وخليلاتها والسيد المحافظ والسيد مدير الأمن ومشاهدة سعيدة للجميع مع نفسنة وقناة القاهرة والناس 
وكلمة اخيرة لو قناة القاهرة والناس دى برامجها مع برنامج الراقصة المعروف تبقى القاهرة وناسها وسخين أووووووووووووووووووى

الذكرى السنوية للمرحوم ابو اكتوبر

فى 6 اكتوبر عام 1973 يعنى من زمان تحقق نصر اكتوبر على العدو الصهيونى 

بطل الحرب الحقيقى هو الراحل الفريق سعد الدين الشاذلى رئيس اركان الجيش المصرى

بطل العملية السياسية هو الرئيس الراحل محمد انور السادات

اما البطل الخفى واللاعب الاساسى فى حرب اكتوبر هو الجندى المصرى الذى بذل وقدم الروح والدم فداءا لعزة وطن افسده نهب الناهبون وتلاعب العسكر بمقدرات ومستقبل الوطن 

للأسف نصر اكتوبر سقط بالتقادم ولم يعد أحد يوليه اهتمام إذ لا محل له من الإعراب بعد تنامى دور ازرائيل وتوطد العلاقات الغير طبيعية بين مصر وازرائيل 

لقد تم استهلاك كافة القصص والروايات والحكايات عن حرب اكتوبر بما فيها الروايات الحقيقية وليست المزيفة التى علمونا اياها فى مدارس وزارة المعارف المزورة 

مثلا السادات هو المسئول عن الثغرة وكاد ان يطيح باى مكتسب تحقق فى بدايات حرب اكتوبر لولا ستر ربنا 

الاحتفال بنصر اكتوبر واجازة 6 اكتوبر اصبح عملا روتينيا تقوم به الدولة دون حس او روح ، واعتقادى ان الجيل الحالى من الشباب لا يعرف شئ عن حرب اكتوبر ولا عن بدور ولا الرصاصة التى كانت فى جيب محمود ياسين واتنشلت منه على ايدى رجال الحزب الوطنى المنحل 

ويبدو ان ازرائيل نفسها اصبحت تنكر حرب اكتوبر ولا تعترف بها .. وعن قريب سيحدث تجديد فى الخطاب السياسى المصرى تماما كالدعوة الى خطاب دينى جديد .. خطاب سياسى مصرى يقوم على يا مصريين عايزكم تنسوا القديم واللى فات وتفكروا فى اللى جاى اللى هو القائد الزعيم الملهم نفسه مش عارف ايه 

ومن علامات نسيان القديم التخلى عن حرب اكتوبر كما تم التخلى عن حرب يونيو 1967 وحرب اليمن 1962 

والانشغال ببعض الخزعبلات والزيطة الاعلامية لأمور تافهه كلها تدليس وتزييف

لكن قبل ما تنسونا التاريخ صححولنا التاريخ من فضلكم فمن حقنا ونحن فى نهاية التاريخ ان نعرف حقيقة احداث التاريخ 

مستقبلنا مُبهم مجهول محصور بكل ما تعنيه الكلمة 

فى الزمن الذى نقترب فيه من نهاية التاريخ ومع كل ذلك التطور التكنولوجى المستحيل عقليا لا نستطيع ان ندير دولة او نضع كتابا جامعا صحيحا لاحداث التاريخ والزمن 

اسلامنا مزيف وتاريخ اجدادنا مزيف وحياتنا نفسها هى احدى - ان لم تكن - كل صور الزيف والخداع 

وصلة ردح على كيف كيفك

اضحك مع وساخة رجال الاخوان وكلاب السيسى

الاخوان يسبون اعلاميى السيسى بألفاظ خارجة موجودة بالفيديو 

طيب عادى لان دول جزم ولا يستحقون الا مصير شجرة الدر الضرب بالقباقيب 

الغريب dont fucken touch me و fucken mind

ايه لزوم الفاكنج فى الحوار بالانجليزية هذا يعنى ان هؤلاء هم الاخوان الشتيمة عندهم عادى شأنهم شأن عامة رعاع الدنيا 

الالفاظ المصرية القذرة فى السباب معروفة ولا اعتقاد ان صاحب دين يمكنه استخدام تلك الافاظ ابدا 

اننى أنأى عن السلفيين مثلا استخدامهم ابدا لتلك الالفاظ 

يبدو ان الاخوان هم فعلا رعاع الشعوب بالعربى والانجليزى 

لا يحب الله الجهر بالسوء من القول إلا من ظلم وكان الله سميعا عليما

عارف يعنى حاجة ربنا مبيحبهاش .. ان كنت مؤمنا حقا لسارعت الى ما يحب الله واجتنبت كل ما لا يحبه الله قدر استطاعتك فى الحالتين 

وفى تفسير مفاتح الغيب تجد تفسير الآية : أنه تعالى لا يحب إظهار الفضائح والقبائح إلا في حق من عظم ضرره وكثر مكره وكيده ، فعند ذلك يجوز إظهار فضائحه ، ولهذا قال عليه الصلاة والسلام : اذكروا الفاسق بما فيه كي تحذره الناس وهؤلاء المنافقون قد كان كثر مكرهم وكيدهم وظلمهم في حق المسلمين وعظم ضررهم ، فلهذا المعنى ذكر الله فضائحهم وكشف أسرارهم . 

ودى كمان 

اسمع هنا الاستاذ الفاضل المحترم صابر بهجت طاحب مقطوعة الردح 

بيقول انه مش اخوان لكن طبعا متعاطف مع الاخوان وقتلى الاخوان فى رابعة مجرمهم وبريئهم 
الانضمام للاخوان او التعاطف معهم ليس شرف تماما مثل مؤيدى الزيزى برضه ليس شرف كلاهما عار 
الله الراجل ده اميركان سيتزين برضه 
يا جماعة مش امريكا دى بلد الفجور الشيطان الاكبر 
لقمة حاف فى بلد مسلم او ربع مسلم غير لقمة كافيار فى بلاد الكفر والفجور بلاد الحلم الجميل والبيت القصير 
وما هو الا سعى نحو الحياة الدنيا 
فليست هجرة المسلمين الى الغرب الكافر الداعر من أجل الله ورسوله 
إعلام فاجر إعلام العسكر وإعلام الاخوان وإعلام المتعاطفون مع الاخوان 
كلكم إعلام الانبياء الكذبة 
خراب يا مصر بإعلامك وحكامك وأزهرك وسكانك