اللى يشوف الطرق فى مصر أجارك الله
مخالفات ومخلفات
المخالفات معروفة .... بيييب بييييييب سيارات وموتوسيكلات (دون لوحات)
وتكاتك وما أكثر التكاتك والسؤال الذى كان يطرح نفسه ايام المخلوع لما الدولة مش ناوية تعطى تراخيص للتكاتك سمحت باستيرادها ليه ؟؟؟
صحيح التكتك بيحل جزء من المواصلات خاصة للمسافات القريبة
لكن سير التكاتك فى الشوارع الرئيسية وخاصة ان مصمم التكاتك المهندس الهندى ابو توكتوك صممه ليسير عكس الاتجاه وليس ليسير فى نهر الطريق بشكل طبيعى
فعادى ان التوكتوك تلاقيه كمان على الطرق السريعة وكالعادة وبكل سعادة عكس الاتجاه وامسك يا جدع والحق يا معلم ومفيش فايدة التوكتوك ماشى ماشى ... وحيفضل ماشى تحت رعاية خطابات الرئيس مرسى
كثير من السيارات دون لوحات وبرضه عكس الاتجاه
الكل يستاهل مخالفة
مخالفة مرور مخالفة مبانى مخالفة اشغال طريق ومخالفة استمرار شخصيات ما على قيد الحياة
أما يكفيكم الشر مشروع النهضة ومخلفات النهضة
المخلفات
كله كوم والمخلفات كوم تانى
كمية مخلفات محصلتش فى تاريخ مصر ... انا لم اتحدث عن القمامة انا بتكلم عن كمية مخلفات الردم والتراب اللى ماليه كل شوارع اسكندرية وطرقها تحس انه تم هدم 500 الف عمارة والقوا بها فى الشوارع
كمية التراب فوق الرصفان وتحت الرصفان وفى نهر الطريق
عن قريب حنلبس كمامات وكأن مرض السرس انتشر فى مصر
يا جماعة حد يكلم محافظ اسكندرية او حتى رئيس الجمهورية او يوصل لخير اللهم اجعله خير ربنا يحفظنا مرشد عام الاخوان ويبلغه شكوتى .... محتاجين دكر يا بشر ينظف شوارعنا من وحل الزمن قبل ما ننظف اخلاقنا
اما جيوبنا الحمد لله فاضية من ايام ما احمد نظيف تولى رئاسة الوزراء سابقا ومن ساعتها وجيوبنا نضيفة
اعتقد ان الحكومة المصرية قريبا ستقوم بأكبر مشروع نهضة فى تاريخها وهو خاص باستيراد المخلفات من شتى انحاء المعمورة والمنتزة
اهلا عزيزى المستثمر مخلفاتك عندنا
مخلفات عضوية أو خرسانية معادن وخردة وعن قريب نووية
ادفن مخلفاتك عندنا بسعر رمزى واختار لها المكان اللى يناسبها
فى شارع او فى حارة أو حتى فى زنقة
ع الكورنيش ... فى طريق الكباش
سعر خاص للدفن فى المقابر الاثرية
اختار المكان اللى يعجبك فى ارض مصر القوية
قرب قرب يا مستثمر واتعاقد عندنا
ودلوقتى حوش هدية اضافى مع كل 100 طن
وكل ما تبعت مخلفات اكتر حتكسب حواش اكتر وتاخد دعوات من الناس اكتر واكتر
مخالفات ومخلفات
المخالفات معروفة .... بيييب بييييييب سيارات وموتوسيكلات (دون لوحات)
وتكاتك وما أكثر التكاتك والسؤال الذى كان يطرح نفسه ايام المخلوع لما الدولة مش ناوية تعطى تراخيص للتكاتك سمحت باستيرادها ليه ؟؟؟
صحيح التكتك بيحل جزء من المواصلات خاصة للمسافات القريبة
لكن سير التكاتك فى الشوارع الرئيسية وخاصة ان مصمم التكاتك المهندس الهندى ابو توكتوك صممه ليسير عكس الاتجاه وليس ليسير فى نهر الطريق بشكل طبيعى
فعادى ان التوكتوك تلاقيه كمان على الطرق السريعة وكالعادة وبكل سعادة عكس الاتجاه وامسك يا جدع والحق يا معلم ومفيش فايدة التوكتوك ماشى ماشى ... وحيفضل ماشى تحت رعاية خطابات الرئيس مرسى
كثير من السيارات دون لوحات وبرضه عكس الاتجاه
الكل يستاهل مخالفة
مخالفة مرور مخالفة مبانى مخالفة اشغال طريق ومخالفة استمرار شخصيات ما على قيد الحياة
أما يكفيكم الشر مشروع النهضة ومخلفات النهضة
المخلفات
كله كوم والمخلفات كوم تانى
كمية مخلفات محصلتش فى تاريخ مصر ... انا لم اتحدث عن القمامة انا بتكلم عن كمية مخلفات الردم والتراب اللى ماليه كل شوارع اسكندرية وطرقها تحس انه تم هدم 500 الف عمارة والقوا بها فى الشوارع
كمية التراب فوق الرصفان وتحت الرصفان وفى نهر الطريق
عن قريب حنلبس كمامات وكأن مرض السرس انتشر فى مصر
يا جماعة حد يكلم محافظ اسكندرية او حتى رئيس الجمهورية او يوصل لخير اللهم اجعله خير ربنا يحفظنا مرشد عام الاخوان ويبلغه شكوتى .... محتاجين دكر يا بشر ينظف شوارعنا من وحل الزمن قبل ما ننظف اخلاقنا
اما جيوبنا الحمد لله فاضية من ايام ما احمد نظيف تولى رئاسة الوزراء سابقا ومن ساعتها وجيوبنا نضيفة
اعتقد ان الحكومة المصرية قريبا ستقوم بأكبر مشروع نهضة فى تاريخها وهو خاص باستيراد المخلفات من شتى انحاء المعمورة والمنتزة
اهلا عزيزى المستثمر مخلفاتك عندنا
مخلفات عضوية أو خرسانية معادن وخردة وعن قريب نووية
ادفن مخلفاتك عندنا بسعر رمزى واختار لها المكان اللى يناسبها
فى شارع او فى حارة أو حتى فى زنقة
ع الكورنيش ... فى طريق الكباش
سعر خاص للدفن فى المقابر الاثرية
اختار المكان اللى يعجبك فى ارض مصر القوية
قرب قرب يا مستثمر واتعاقد عندنا
ودلوقتى حوش هدية اضافى مع كل 100 طن
وكل ما تبعت مخلفات اكتر حتكسب حواش اكتر وتاخد دعوات من الناس اكتر واكتر
ليست هناك تعليقات:
إرسال تعليق