دى كانت مصر يا عبله

فاكرين كلنا عبله - مديحة كامل - مع محمود يس فى فيلم الصعود الى الهاوية 
والجملة الشهيرة : هى دى مصر يا عبله 

وللجملة معانى كثيرة واحتمالاتها لا وصف لها من كثرتها 
عبله هى هبه سليم الفتاة المصرية المرفهة التى تم تجنيدهل للعمل بالموساد اثناء دراستها الجامعية بباريس بلد الجن والجن برضه (ليس بباريس جنس ملائكة أو بشر) وكانت بصراحة البنت قمة فى النشاط ورفعت رأس كل المصريين فى مجال عملها فأصبحت جاسوسة فوق العادة لحرفنتها وقدرتها على تجنيد اثنان من ظباط الجيش المصرى واللى ظهر منهم فى الفيلم فاروق الفقي اللى هو ابراهيم خان ابو قُصة جنان 
اظن الكل افتكر الفيلم كويس نشوف معنى ايه دى مصر يا عبله 
1- اوعى يا بت تكونى فاكره ان مصر مش حتعرف تجيبك من قفاكى .. آدينا جبناكى من قفاكى يا بت العبيطة وآدى مصر قدامك 
2- دى مصر اللى حتقطع رقبة اللى جابوكى وتعلقك زى طومان باى على باب زويله ... معنى صريح لقهر الدولة 
3- دى مصر اللى ربتك وكبرتك وعيشتى فى خيرها وخنيتيها يا عبلبل 
4- دى مصر اللى شربتى من نيلها ودلوقتى غصب عن اللى جابوا أهلك حترجعيلها تشوفى نيلها وتمصمصى حنفياتها بحثا عن قطرة مياه نيلية 
5- دى مصر ارض الوطنية فرجال احرار مخلصين لوطنهم جابوكى من قفاكى هم ابناء مصر وليس كل مصرى شبهك فأقل واحد فيهم عنتر يا عبووووووووول

تم اعدام هبه سليم عام 1974 بعد قيام هنرى كيسنجر بطلب الى السادات بتخفيف الحكم عليها من الاعدام الى السجن وفقا لرغبة جولدا مائير (زميلتها فى الكار) فالنسوان بتحن لبعض لكن السادات عجل باعدامها 
المهم بعد 42 سنة وبعد ما الدودو نخور جتتها والتراب نخور الدود ولم يبقى الا التراب العفن
تعالى نشوف هى دى مصر يا عبله بعد كل هذه السنين اخبارها ايه 
الاخبار والنتائج بدون الخوض فى تفاصيلها تشير الى ان القصة كلها رغم حقيقتها تحولت لفيلم ورغم ان الدود اللى نخر جتتها نفسه مات لكن هبه سليم عايشه ومصر هى اللى راحت عليها 
فمصر النكسة ثم الانتصار ثم الوكسة لم تعد هى نفسها وكأنها هى من اعدمتها الدنيا لانها خانت نفسها 

حتى محمود يس نفسه عجز وكركب ومبقاش قادر يقبض على أى حد من الجواسيس 

اقرأ النقاط الخمسة وقم بقياسها على عصرنا الحاضر لتعرف النتائج بنفسك

اتفاق

فى لحظة صمت كان خطابى للجليل صاعدا:

سيدى قد علمت ان روحى بعض روحك  عالمها السماء ودليلها ذاتك لا سواك 

وقد ايقنت ان جسدى من التراب كان والى التراب يكون 

يتهالك الجسد يوما بعد يوم واشهد انحلاله وذبوله 

ولم تزل بقية نفس تحتاط لأمر الدنيا 

فهلا عجلت واسرعت وأردت 

انت اغنى عن جسدى عن نعيمه وعن عذابه 

ولما كانت المُنى فى لقاءك والتفرد بك والأُنس بمكنون ذاتك 

ولما كانت الدعاوى لا ترتقى الى جنة ولا تهاب جحيما 

فاعطف عليّ يا جميل يا عطوف بأن تنزعنى كلى عن عظمى وشحمى ولحمى 

وأن تخلص روحى منى فأنت غنى عن عذابى وانا بك غنى عن نعيم الجنة 

فأرأف بحالى يا رؤوف يا حنان يا منان وردنى اليك روحا واحدة اليوم قبل غدا 

ولا تجعلنى أبدا من اهل القيامة 

وامح عنى كل ذاكرة لجسدى

حلم

آت ليلا من حيث لا يرانى أحد

لا تعوقنى جدران ولا يرهقنى صعود السلالم

آت فى الاحلام كطيف مستبد

وحده يفعل ما يشاء 

ناراً

انى لم أجد الجبل ولكنى آنست نارا 

فاذا النار تحصد كل الأكوان وتحولها عدماً 

لم أانس نارا عنها قبس أو تهدى إلى الهدى 

سأقوى على نجاة من أريد من حريقها فظل الإله الواحد الكامن بنفسى قادر على خمد كل نار تأكل ما حولى ولا تحولنى أنا ومن أُنجى عدماً أبداً

احمر

يقولون حلب تحترق

اصبغوا العالم باللون الاحمر 

الدب الروسى هو من يحرق الارض والعِرض 

الدب الروسى هو وريث وصاحب اللون الأحمر 

فلتحترق حلب ولتحترق الارض واصبغوا الكون كله باللون الأحمر 

فلتسقط حلب والقدس وكل المدن وكل الخرائب المسماة دول 

انتهت اسطورة الحضارة ويظل الناس نيام فاذا ماتوا انتبهوا

الحياة

الحياة مزبلة ... مهزلة ... تتعرف اليها من فرط أكوام القمامة والشوارع الضيقة والطرقات المتهالكة ..

من وجوه الناس المتعبة ومن بذخ الكروش المترهلة 

من فرط اشتياقك للسماء ومن قنوطك من اخلاق سكان الارض ستعرف بصدق معنى الحياة ، المهزلة ، المزبلة