الأصل ان كل مولود بيتولد على الفطرة ... ده عارفينه
كل مولود يتولد ينزل يصرخ دى حقيقة .. لكن آراء الناس حول سبب صراخه متباينة
ناس تقولك اصل صوته بكاء فنازل يتكلم بعد شهور فى الحبس
وناس تقولك صراخه تسبيح
وناس تقولك نازل يبكى مقدماً من الهم اللى حيشوفه فى الدنيا
تتباين الآراء وتختلف وتتفق ولكن فى النهاية يبقى صراخ الطفل
ومهم جدا ان الطفل حين يولد يصرخ فلو لم يصرخ تبقى كارثة ... ايه حيطلع اخرس
فلو مبكاش يبقى يضرب على فخده او بالأصح وبدون كسوف يضرب على مؤخرته علشان يصرخ
ويفرح الجميع بصرخته وان حسه وصوته وصل للدنيا
بس الحقيقة المرة الطفل بيصرخ من الويل اللى حيشوفه .. والمرارة اللى حيشربها يوماتى وهو رايح الشغل وراجع من الشغل
ايه ده هو الطفل بيروح شغل .... انت بتشتغلنا يا عم ولا ايه
ايوة شغلة الرضاعة ... وجعان وحران وبردان ومزكوم وعنده انتفاخ وعايز يغير الحفاضة وعايز شامبو ناعم وزيت للبشرة اللى جلدها بيقشر ... وطبعا حلق دهب فلوسه مش موجودة لو المولود بنوته
مشاكل المولود كوم .. ومشاكل البابا بخصوص البامبينو الجديد كوم تانى
علشان مطولش فى الكلام وخلى حديث مشاكل البابا ليوم تانى احب الخص اكبر مشكلة والسبب الرئيسى لبكاء البنوتة المستمر فى أذنى
... السبب انها كارهه انها تعيش فى زمن الاخوان او يكون ريسها وتاج راس بلدها هو السيد الرئيس محمد مرسى
ولا أراكم الله مكروها فى دولة عزيزة لديكم
ايه البصة الوحشة دى يا عم مرسى!!!!!!!!
ليست هناك تعليقات:
إرسال تعليق